11:26 PM

bewafaa'oN se pyaar raKhate haiN

posted under by sandeep | Edit This

bewafaa'oN se pyaar raKhate haiN,
phir bhee dil meiN qaraar raKhate haiN..

Haal-e-dil se hou koii kiyuN waaqif,
lab pe ham eKhtiyaar raKhate haiN..

zeyb-o-ziinat se chehre haiN roShan,
par jigar meiN Ghubaar raKhate haiN..

iNtehaa-e-junuun- e-iShq hai yeh,
waade par aitbaar raKhate haiN.

nafrateN hee naheeN faqat dil meiN,
hasrat-e-deed- e-yaar raKhate haiN..

ham ko un se nahiiN gilah koii,
dil meiN wo kiyuN Ghubaar raKhate haiN..

haasil-e-ziNdagii naheeN kuchh par,
KhwaahiSheN be-Shumaar raKhate haiN..

soch kar, phir na ho khata-e-iShq,
daaman ab daaG-daar raKhaTe haiN..

falsafa yeh hei zindagii ka Mayank,
Hasrat-e-dil ko maar raKhate haiN..

0 comments

Make A Comment

Hindi Jokes Shayari & SMS

bewafaa'oN se pyaar raKhate haiN

0 comments

About Me